Zëvendës kryeministri Erion Braçe ka reaguar lidhur me grabitjen e 10 milionë eurove në Rinas. Me anë të një statusi në Instagram, Braçe shprehet se Policia e Shtetit ka të gjithë mbështetjen, pasi u përballën me një prej bandave më të rrezikshme.
“Prioritet tani kapja e banditëve! Ndaj mbështetje për çdo oficer të policisë, të përfshirë në hetime e operacionin e pandërprerë në terren!
Pas kësaj, padiskutim analizë e plotë e çdo elementi që ka cënuar rëndë sigurinë nga bankat në aeroport, masa të forta për çdokënd!”, përfundon ai.
Në vijim të hetimeve që po bën Policia e Shtetit për grabitjen e madhe në Rinas, është zbuluar edhe një mjet i cili dyshohet të jetë përdorur nga grabitësit.
Gjatë natës është gjetur një fugon tjetër i djegur, i cili dyshohet të jetë përdorur nga grupi i personave që morën 10 milionë euro.
Kallashnikovë dhe granata/Gjendet gjatë natës një furgon i djegur
