Gjykata ka lënë në burg sot 32-vjeçarin, Elton Pikli, i arrestuari i pestë për grabitjen në Rinas. Vendimi është caktuar sot në seancën në ngarkim të tij, në Gjykatën e Krimeve të Rënda.
Po sot, Oltion Veseli, ka ankimuar vendimin e dy ditëve më parë, atë të “arrestit me burg”.
Kujtojmë se Pikli, nga Kruja, u arrestua në mesnatë pak ditë më parë, në aeroportin e Rinasit, ku po tentonte të largohej drejt Bullgarisë.
Në kohën e ndalimit u theksua se 32-vjeçari kishte lidhje me Oltian Veseli, një nga katër personat e arrestuar për grabitjen, si edhe me Dash Kupën.
Oltion Veseli, një nga te arrestuarit për grabitjen ne Rinas kërkon të lirohet nga qelia. Përmes avokatit të tij Veseli ka ankimuar masën e sigurisë “arrest në burg” caktuar me parë nga gjykata për Krimet e Rënda. Në ankimin e depozituar ne Apel Veseli pretendon se vendimi që e la në burg është marrë në mungesë të provave dhe fakteve.
Veseli i cili u arrestua nga policia më 22 prill si bashkëpunëtor i supergrabitjes në Rinas, dyshohet se është personi i veshur komando që gjendet në pistën e aeroportit pranë avionit të linjës Tiranë Vienë në momentin e grabitjes më 9 prill.
Sipas të dhënave, Veseli në vitet 2000 ka qene ne Jemen me studime, me pas ka shkuar ne Afganistan dhe më pas është arrestuar nga amerikanët për terrorizëm. Ai u arrestua në 2005 nga trupat amerikane gjatë një operacioni kundër talebanëve në Afganistan. Veseli u riatdhesua në 25 qershor të 2006. 38-vejcari Veseli ishte vetëshapllur imam i xhamisë në Krujë.
I arrestuari Oltion Veseli nga Fushë Kruja, është kushëri me Ernest e Dash Kupën, të dënuar nga drejtësia për grabitjen e blindave në rrugën e Rinasit në 2017.
