Tre persona të armatosur kanë grabitur në mesnatë banesën e një biznesmeni në Korçë.
Grabitësit, të maskuar me uniformë policie kanë lidhur bashkëshortët Nevruz dhe Sadete Vila, ndërsa kanë arritur të marrin rreth 1.6 milion lekë të vjetra.
Kryefamiljari, ka treguar momentet e tmerrit, ku nën kërcënimin e armës ata u lidhën dhe u dhunuan për 30 minuta.
“Tre persona të maskuar u futën brenda në banesë, ishin të veshur me uniformë që lexonte policia dhe të armatosur me automatik. Më goditën mua dhe gruan dhe na lidhën pastaj të dyve. Më pas nisën të kontrollojnë shtëpinë.
“Grabitësit më lanë të lidhur bashkë me gruan, më pas u larguan. Gruaja njoftoi komshinjtë, ata lajmëruan policinë pastaj”, tha Novruz Vila.
