Janë vënë në pranga nga policia e Tiranës edhe tre persona të tjerë, si bashkëpunëtorë të vjedhjes me dhunë të ndodhur paraditen e djeshme në zonën e “Barrikadave”, ku shtetasit A. Sh., i morën një sasi lekësh.
Sipas njoftimit të policisë, krahas shtetasit me iniciale E.F, 35 vjeç që u kap në momentin e vjedhjes falë ndërhyrjes së policisë, u arrestuan dhe:
– E. B., 37 vjeç, banues në Tiranë ( i dënuar më parë për “Vjedhje”);
– B. H., 27 vjeç, banues në Tiranë;
-Xh. D., 23 vjeç banues në Tiranë ( i dënuar më parë për “Vjedhje”).
Këta shtetas në bashkëpunim me njëri-tjetrin paraditen e djeshme në rrugën e “Barrikadave” i kanë vjedhur me dhunë shtetasit A. Sh., një shumë lekësh të cilën ky shtetas e posedonte.
Ndërkohë, janë sekuestruar në cilësinë e provës materiale dhe sendet e përdorura nga këta shtetas gjatë vjedhjeve, si: Motorr skuter; kokore; tub metalik; thikë dhe doreza plastike; doreza dhe veshje të përdorura nga autorët; tre aparate celular dhe automjet.
Materialet proceduriale do ti kalojnë Prokurorisë Pranë Gjykatës së Shkallës së Parë Tiranë në ngarkim të shtetasve të lartpërmendur për veprën penale ‘’ Vjedhje me dhunë e kryer në bashkëpunim’’.
