Një shqiptar dhe dy gra rumune janë arrestuar nga policia greke, pasi akuzohen për grabitje, përfshirje në një bandë kriminale dhe për pastrim të parave të ardhura nga aktiviteti kriminal.
Sipas mediave greke, të arrestuarit janë: Ana-Malia Covaci 23-vjeçe, Cassandra Voina 22-vjeçe dhe bashkëpunëtori i tyre, Fatjon Demiri 30-vjeç.
Të arrestuarit kanë grabitur dhe mashtruar disa të moshuar në Pieria.
Mësohet se në shtator të vitit 2018 në Katerini, dy gratë me anë të një ilaçi kishin vënë në gjumë një 80-vjeçare dhe më pas i grabitën një shumë prej 6 mijë eurosh dhe disa telefona celularë, më pas ato u larguan me makinë ku i priste 30-vjeçari shqiptar.
Gjithashtu, 22 vjeçarja, Cassandra Voina kishte arritur t’i merrte një 76 vjeçari grek shumën prej 9.080 euro, në harkun kohor të dy vjetëve.
