Wayne Rooney përsëriti një prej golave më të famshëm të tij të mërkurën në mbrëmje, duke ndihmuar DC United të fitojë kundër Orlando City me një gjuajtje fantastike nga gjysmëfusha e tij.
Ish-kapiteni i Anglisë mori topin në mbrojtje dhe pa kaluar mesin e fushës, goditi saktë në kuadrat nga një distancë prej 55 metrash, duke përfituar edhe nga dalja nga porta e portierit kundërshtar Brian Rowe.
Një gol të ngjashëm, 33-vjeçari e ka shënuar edhe pesë vite më parë, në një fitore të Machester United kundër West Ham, 2-0 në “Upton Park”.
😱😱😱@WayneRooney scored this spectacular effort v West Ham in 2014… pic.twitter.com/fQSms0kA1H
— Manchester United (@ManUtd) May 10, 2018
Fitorja e dërgoi skuadrën e Rooney-t në vend të tretë në Konferencën e Lindjes së MLS (kampionatit amerikan të futbollit), vetëm dy pikë larg Philadelphia Union që ruan vendin e parë.
