Me kthimin në Madrid të Zinedine Zidane pritet që në verë të ketë një merkato të nxehtë për Realin, pasi duket se ky ka qenë kushti që Zizu i ka vendosur Perezit. Një mesfushor i kompletuar pritet që të zbarkojë në Bernabeu dhe me shumë mundësi ai do të vijë nga Seri A.
Sergej Milinkovic-Savic është kthyer në nivelet e mëparshme, duke tërhequr përsëri vëmendjen e klubeve të mëdha. Ylli i Lazio-s ka bërë një paraqitje shumë të mirë në Firence, edhe pse nuk ka arritur të gjejë golin.
Kundër Parma-s do të duhet të rregullojë shënjestrën dhe, mbi të gjitha, të shmangë skualifikimin që do ta detyronte të mungonte në ndeshjen pasardhëse të kampionatit kundër Inter-it.
Objektivi i tij është ta ndihmojë Lazio-n të shkojë në Champions League, por edhe që një ditë të luajë për Real Madrid-in. Serbi mund ta realizojë ëndrrën e tij verën e ardhshme.
Sipas “El Chiringuito”, emisioni sportiv spanjoll që lajmëroi kthimin e Zidane te madrilenët, trajneri francez ka vënë në shënjestër pikërisht Milinkovic-Savic për merkaton e verës.
