Kryetari i PDK-së, Nard Ndoka, ka komentuar me nota humori dhe ironie aktorët politikë në vend.
I ftuar në emisionin “Late Night Show” në Ora News, Ndoka shprehet se kryeopozitari Lulzim Basha, nuk ka lidhje me humorin, ndërsa kryeministri Rama kërkon që njerëzit të qeshin me zor.
“Më shumë kam miq artistë sesa në politikë. Më pëlqen humori, është në ADN-në time. Me kë të bëj humor, me Edi Ramën që qeshin njerëzit me zor? Luli se ka idenë fare por ky… Luli nuk ka lidhje me humorin. Humori është dhunti nuk mund ta bëjë çdo njeri. Dhe nuk i kërkojmë atij as humorin, as të këndojë, i kërkojmë të jetë një lider i përgjegjshëm. Të paktën ka formim evropian, ndryshe nga kundërshtari i tij, është lider që sjell shpresë, përcjell mirësi, mendon pozitivisht. Më thonë çfarë defekti ka Luli? I them nuk din me këndu. Por të paktën të dijë me qeveris, kjo ka rëndësi. Ky tjetri i bie dajres por nuk di të qeverisë”, u shpreh Ndoka.
