Një ngjarje e rëndë e shënuar në Kinë ka ngjallur debate qoftë etike por edhe morale mbi edukimin e fëmijëve. Mësohet se një foshnje ka ndërruar jetë, pasi gjyshja e tij i dha të pinte një gllënjkë alkool. Foshnja kishte vetëm 30 ditë që kishte ardhur në jetë.
Menjëherë pas ngjarjes nëna e tij e alarmuar e ka dërguar në spital dhe me gjithë përpjekjet e mjekëve, foshnja nuk ka mundur të mbijetojë.
Mësohet se ngjarja ka ndodhur gjatë një feste familjare, ku gjyshja e foshnjës ka dashur të festojë me nipin në mënyrë “burrërore”.
Mjekët kanë thënë se disa pika alkooli janë të mjaftueshme për të helmuar një foshnje. Te foshnjat alkooli është fatal, ndaj duhet bërë shumë kujdes këshillojnë mjekët.
