Një nga themeluesit e Ushtrisë Çlirimtare të Kosovës, Azem Syla, i cili për një kohë ka qenë edhe komandant i përgjithshëm i saj, është thirrur nga Haga. Në kuadër të ftesave që iu bëhen ish-ushtarëve dhe ish-komandantëve të kohës së luftës nga Gjykata Speciale.
Po ashtu, javën që lamë pas, tetë ish-komandantë dhe pjesëtarë të UÇK-së kanë bërë të ditur se janë ftuar për intervistim nga Specialja. Ndërkohë, deri më tani, numri i përgjithshëm i të ftuarve për intervistim nga kjo Gjykatë ka arritur mbi 100.
Dhomat e Specializuara dhe Zyra e Prokurorisë së Specializuar, janë përgjegjëse për hetimin e krimeve kundër njerëzimit, krimeve të luftës dhe krimeve tjera penale në lidhje me akuzat nga Raporti i Këshillit të Evropës i vitit 2011, në të cilin flitet për krimet e pretenduara se i kanë bërë pjesëtarët e Ushtrisë Çlirimtare të Kosovës, në periudhën prej vitit 1998 e deri në vitin 2000.
Denonco ne TT