Gjykata e Tiranës ka marrë vendimin për 6 të ndaluarit në protestën e 21 Marsit. Gjykata dha masën “arrest me burg” për 3 nga protestuesit e Astirit, ndërsa për tre të tjerë dha masën “arrest shtëpie”.
Konkretisht, në burg janë lënë Emiljano Mustafa, Mariglen Doçi dhe Dorjan Protoduari.
Ish-deputetët Spaho, Balliu dhe Braimllari e kanë cilësuar masën si një vendim tërësisht politik.
“I shpalle luftë Unazës me masën e Protoduarit, luftë do kesh. Ji i përgatitur, do të ndjekim dhe do të protestojmë ndaj teje kudo që të jesh, në kafe, dreka apo zyrë. Do të përgjigjemi me të njëjtën dhunë që po përdor ndaj qytetarëve shqiptarë, vendimi është tërësisht politik. Le të na fusi në burg të gjithëve, prapë do protestojmë ndaj tij, edhe në burg”, tha ish-deputeti Klevis Balliu./ Tirana Today
