Gjykata e Apelit ka vendosur sot të pushojë çështjen e lobimit rus ndaj kreut të PD-së, Lulzim Basha.
Gjykata la në fuqi vendimin e Shkallës së Parë për Bashën dhe dy zyrtarët e tjerë të PD-së, Arben Ristani dhe Ilir Dervishi për çështjen e lobimit me para ruse.
Trupa Gjykuese përbëhej nga gjyqtarja, Shpresa Beqaj dhe anëtarët, Alaudin Malaj dhe Shkëlqim Mustafa.
Avokati i Bashës, Eduart Halimi tha në përfundim të seancës se nuk ka pasur asnjë provë të re nga dy palët.
“Në këto raste, këto cështje duhet të shqyrtohen për 15 ditë nga Apeli në dyer të mbyllura në dhomë këshillimi. Kjo është dispozitë urdhëruese, në rast se nga shqyrtimi i dosjes, apo ka prova të reja që do i nënshtrohen një hetimi, gjykata mund të marrë vendim ndryshe. Gjyqtari pyeti nëse kanë prova të reja, palët thanë nuk kanë. Gjykata do të njoftojnë palët në një moment të dytë” tha ai.
