Ministri i Brendshëm, Fatmir Xhafaj dhe ministrja e Drejtësisë Etilda Gjonaj në një takim që kanë zhvilluar ditën e sotme me homologët e tyre francezë, duket sikur kanë kapur majat teksa kanë shkrepur një foto edhe me presidentin francez Emmanuel Macron.
Ministri i Brendshëm i cili ka ndërmarrë së fundmi edhe aksionin për Vetingun në Polici, një proces që ka pasur probleme të mëdha, e shet takimin e tij me homologun francez si arritje të mëdha.
Ndërkohë që Bashkimi Evropian i kërkon Shqipërisë luftën ndaj krimit të organizuar dhe korrupsionit për të plotësuar edhe kushtet paraprake për të hapur negociatat me Unionin.
Pavarësisht kërkesave të Bashkimit Evropian, ministri Xhafaj dhe institucioni që drejton ka bërë shumë pak në këtë drejtim. Aq sa së fundmi po kërkohet edhe koka e Saimir Tahirit në tepsi për të nisur procesin e negociatave. Kjo u la të kuptohet qartë edhe pas vizitës së kryeministri Rama në Berlin dhe takimin e tij me kancelaren Merkel.
Megjithatë, panoramën e zymtë të Shqipërisë Xhafaj është mundur ta shesë si sukses ndërsa ka shkruar në Twitter se ka marrë mbështetjen e Francës në luftën ndaj terrorizimit.
Ministri i Brendshëm Xhafaj shkruan në twitter pas takimeve në Francë:
“Konferenca e Parisit mbi luftën kundër financimeve për terrorizmit “No Money for Terror”, u përmbyll suksesshëm. Gjatë punimeve, pata një bisedë shumë të frytshme me homologun Collomb, me të cilin ndamë vlerësimet rreth çështjeve të axhendës së përbashkët.
Falënderim i veçantë për vlerësimet e shprehura prej tij në përfundim të fjalës sime, duke çmuar publikisht punën e Qeverisë shqiptare dhe të MB. Mirënjohje për mbështetjen që Franca dhe qeveria e saj i japin vendit tonë.
Mundësi dhe kënaqësi e jashtëzakonshme që pata rastin të shkëmbeja një përshëndetje të përzemërt me Presidentin Macron. Mirënjohje zoti President për vlerësimet tuaja shumë inkurajuese!”
TIRANA TODAY
