GJKKO ka lënë në fuqi pezullimin e numrit 2 të OFL-së, Artan Shkëmbit. Pas seancës së sotme, avokati i tij Artan Broci deklaroi se GJKKO vendosi që Shkëmbi të pezullohet nga detyra.
“U la në fuqi masa për pezullim nga detyra. Nuk kanë asnjë provë ndaj Shkëmbit. Shkëmbi nuk ka pasur telefon që të përdorte Enrochat”, u shpreh Broci.
Kjo është seanca e dytë që zhvillohet në këtë gjykatë për Shkëmbin. Në seancën e fundit, e cila u zhvillua një ditë më parë, avokati i tij, Artan Broci kërkoi shtyrjen e saj, pasi tha se donte të njihej më mirë me aktet në dosje.
Artan Shkëmbi u pezullua nga detyra në 28 shtator, pas një vendimi të Gjykatës së Posaçme. Ai akuzohet se ka shpërdoruar detyrën, duke nxjerrë një sekret hetimor. Shkëmbi po hetohet për nxjerrjen e sekretit hetimor, mbi një dosje të klasifikuar si “Top Secret”.
