Nëna e ish-deputetit të ndjerë Sokol Olldashi ka përkujtuar të birin përmes një mesazhi prekës. Kozeta Mamaqi i ka dedikuar fjalë zemre Olldashit, i cili vdiq në një aksident tragjik më 20 nëntor të vitit 2013.
Ajo ka shpërndarë një poezi të Olldashit, ndërsa shkruan: “Shpirti im, gjithshka e parandjeve, sepse e njihje jeten gjer ne kapilare. E njohe te miren dhe te keqen qe kur ishe filiz dhe ndjeve e provove aqe shume dhimbje … Ike per te me lene mua me shpirt te vrare e mall pafund per ty, i miri im…Sa mall shpirt…Ike per te mos u kthyer, ndersa une pres, pres , pres…Te dua shume…!”.
Ish-deputeti i Partisë Demokratike, Sokol Olldashi humbi jetën mbrëmjen e 20 nëntorit 2013 në një aksident automobilistik. Olldashi vdiq pas një aksidenti të rëndë automobilistik në Krrabë. Aksidenti ndodhi në mbrëmje, shkak i aksidentit ka qënë lagështia dhe shpejtësia e lartë me të cilën Olldashi ka udhëtuar, makina e tij për shkak të shpejtësisë së madhe dhe kthesës së pjerrët humbi kontrollin, duke u rrëzuar 20 metra poshtë në humnerë, duke gjetur vdekjen e menjëhershme.
Sokol Olldashi përfaqësonte linjën më të fuqishme në Partinë Demokratike, ndërsa ishte edhe pretendenti numër një për të zëvendësuar Lulzim Bashën, menjëherë pasi ky i fundit të humbiste zgjedhjet e radhës. Arsyet e para lidhen me rrezikun që paraqiste fenomeni Olldashi për pozitat e dyshes Berisha-Basha në PD. Ndërsa sjellja e policisë në raport me aksidentin, i thellon më shumë dyshimet. Vonesa e policisë për t’u prononcuar për ngjarjen, shmangia e personit të dytë, prishja e provave në vendngjarje, mbajtja larg e mediave për rreth dy orë, prania e personave të tjerë para ardhjes së policisë etj., janë vetëm disa nga faktet që të çojnë në dyshime.
