Mungon zyrtarizimi, por është vetëm çështje kohe.
Ralf Rangnick do të jetë trajneri i ri i ekipit të Milanit.
Tekniku gjerman tashmë iu ka dhënë fund të gjitha dyshimeve dhe ka zgjedhur aventurën e re në krye të kuqezinjve pas disa negociatave sfilitëse që nisën që në dhjetorin e vitit të kaluar.
Sipas mediave italiane tashmë është gjithçka e kryer dhe detajuar në mënyrë perfekte.
Rangnick do të marrë një rol të ri dhe shumë sfidues tek Milan që nuk është parë më përpara në futbollin italian.
Ai do të jetë trajner, drejtor teknik dhe përgjegjës për zonën mjekësore.
Me gjithë këto detyra në shpatulla, shtëpia kuqezi është duke rishikuar dhe pozicionin e Paolo Maldinit, të cilit me ardhjen e gjermanit, do t’i ofrohet një post i ri që me shumë mundësi nuk do ta pranojë, shkruan “A2”.
