Mjeku infeksionist Pëllumb Pipero, ka konfirmuar se shqiptarët e kanë kaluar pjesën më të vështirë të kësaj karantine. Ai sqaroi qytetarët që pyesin se kur do përfundojë kjo situatë, se trendi i kurbës është i qëndrueshëm, në rënie, ndonëse ka disa luhatje.
Në një intervistë në “Skype” për emisionin “Zonë e lirë”, ai kërkuar që të gjithë pa përjashtim, të vijojmë të zbatojmë rregullat e vendosura nga qeveria, për të mirën tonë.
“Ne e kemi kaluar pjesën më të vështirë të kësaj karantine. Besoj fort se edhe pse ka disa masa lehtësuese nga qeveria, që besoj se do lehtësohen më shumë. Kemi nxjerrë disa mësime të rëndësishme. T’i zbatojmë këto masa, që ta kalojmë sa më shumë këtë epidemi. Trendi i kurbës është i qëndrueshëm, në rënie, ndonëse ka disa luhatje”, tha Pipero.
Po ashtu ai foli lidhur me mungesën e të infektuarve në jug, dhe kryesisht në Gjirokastër ku nuk ka asnjë rast. “Kjo është një sëmundje kryesisht urbane, jo se Gjirokastra nuk është urbane. Por ku ka më shumë grumbullime njerëzish, më shumë lëvizje. Atje ku ka më shumë respektim të masave të marra nga qeveria, ka më pak raste”, u shpreh Pipero.
Shpërndarja gjeografike e rasteve pozitive është si vijon:
– Tiranë 246 raste
– Durrës 42 raste
– Lushnje 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 94 raste
– Lezhë 14 raste
– Berat 2 rast
– Has 13 raste
– Krujë 11 raste
-Tropojë 4 raste
– Pukë 5 raste
– Mirditë 3 raste
– Kukës 11 rast
-Mallakastër 1 rast
– Kurbin 7 raste
