Kryebashkiaku i Kukësit, Safet Gjici, ka surprizuar me deklaratën e tij publike, duke thënë se as Gjermania nuk i ka bërë investimet që ka bërë Kukësi. Qëndrimi i tij pubik vjen pas urdhrit të Ramës, për pastrimin e qyteteve nga mbetjet urbane.
Në një prononcim për mediat, ai apeloi ndaj banorëve të zonës që të mbajnë pastër ambientin, dhe ti hedhin mbeturinat në koshat e plehrave. Në të kundërt, ai paralajmëroi sanksione me gjoba dhe më pas ndjekje penale.
Gjici ka shfrenuar fantazinë duke deklaruar se as Gjermania nuk i ka bërë këto investime që ka bërë Kukësi.
“Që kur kemi marrë Bashkinë, i kemi dhënë prioritet pastrimit të qytetit. Ky investim që është bërë këtu, si është, sikur thonë edhe disa që vijnë nga Gjermania, edhe në Gjermani nuk e gjejnë këtë investim. Nuk dua të them që ne krahasohemi me Gjermaninë, se është krahasim shumë i madh”, pohoi ai.
