Kancelarja gjermane, Angela Merkel, e njohur shumë për thjeshtësinë e saj, ka nxituar për të bërë blerjet e fundit pak para se vendi të rivendoset në karantinë.
Sipas gazetës BILD, Merkel ishte në supermarketin e Berlinit Perëndimor KaDeW, në të cilin ajo shkon më shpesh.
Gjermania do të hyjë përsëri në një mbyllje të dytë. Për shkak të kurbës në rritje të infektimeve qeveria ka vendosur që ta mbyllë të gjithë vendin deri në datën 10 janar.
Mësohet se për Krishtlindje do të ketë një lehtësim të lehtë të masave ndërkohë që më pas vendi do të bllokohet sërish.
Që nga fillimi i pandemisë deri tani në Gjermani janë regjistruar mbi 1,3 milion persona me Covid-19, ndërkohë që mbi 23 mijë të tjerë kanë humbur jetën.
