Nga sot Gjermania është në izolim, kjo për shkak të situatës që ka dalë jashtë kontrollit me infektimet.
Gjermania ka hyrë zyrtarisht nga sot në një ”Lock-Down” të vështirë. Shkollat dhe bizneset jo të rëndësishme janë mbyllur deri më 10 janar.
Këtë vendim e kishte njoftuar edhe më herët kancelarja gjermane Angela Merkel, e cila tha se ishte e detyruar për të marrë këtë vendim të vështirë. Autoritetet shëndetësore po përballen me një fluks të shtuar, gati të pamundur për t’u menaxhuar.
Gjermania shpresat tashmë i sheh vetëm tek vaksina, teksa shpreson që ta marrë brenda dhjetorit edhe pse është në dorë të BE-së.
