Gjermania nuk do të festojë Vitin e Ri, si një ndër masat për frenimin e pandemisë. Ndonëse më herët u pretendua se në sajë të masave do të arrihej të shpëtoheshin Krishtitlindjet dhe Viti i Ri, numri i lartë i të infektuave ka sjellë ndryshim planesh. Autoritetet shëndetësore, të ndodhura përpara një situate kritike, kanë vendosur që qytetarët ti ‘ndëshkojnë’ edhe me festimet e fundvitit, për të mirën e përbashkët. Sa më pak infektime dhe shpëtim jete.
Kancelarja gjermane Angela Merkel u është drejtuar qytetarëve, duke u thënë se festimet e Vitit të Ri nuk do të bëhen këtë vit, për shkak të pandemisë së koronavirusit.
“Do të jetë Krishtlindje nën kufizimet e koronës, por nuk do të jetë Krishtlindje e vetmuar”, është shprehur Merkel. Kancelarja ka paralajmëruar se “drita në fund të tunelit është shumë larg”. Për katër javë, në Gjermani do të qëndrojnë të mbyllura baret, teatrot, palestrat dhe kinematë.
Sipas Merkel, ecuria e muajit nëntor do të jetë kyç në përcaktimin e hapit të radhës që Gjermania do të hedhë, por ajo u shpreh se po shpresonte për një kthesë të situatës.
“Ne nuk mund të lejojmë përhapjen e shpejtë të virusit, që të mbingarkojë sistemin tonë shëndetësor. Gjatë muajve të dimrit, do të limitojmë kontaktet private. Është në dorën e gjithësecilit që ta bëjë muajin nëntor të jetë i suksesshëm”.
