Qeveria e Republikës Federale të Gjermanisë do të japë rreth 10.5 milion EURO si kontribut për programin: “Zhvillimi i Qëndrueshëm Ekonomik dhe Rajonal, Nxitja e Punësimit dhe Arsimi dhe Formimi Profesional”.
Ky program vjen në kuadër të Marrëveshjes së Qeverisë së RFGJ dhe Qeverisë së Shqipërisë për Bashkëpunimin Teknik.
Objektivi i këtij Programi është: Përmirësimi i situatës së (vetë) punësimit për punonjës të kualifikuar, në veçanti e të rinjve.
Projekti do të organizohet në tre fusha kryesore të ndërhyrjes si;
Zhvillimi i Sektorit Privat. Në këtë shtyllë të programit, në fokus do të jetë mbështetja për sipërmarrjet dhe “Start-Up”. Ndërmarrjet mikro, të vogla dhe të mesme do të mbështeten nga programi për t’u zhvilluar sipas modeleve dhe praktikave të suksesshme gjermane” etj.
Arsimi dhe Aftësimi Profesional. Programi do të mbështesë disa Qendra të Formimit Profesional në rajone të ndryshme të vendit. Programi gjithashtu do të synojë afrimin e sektorit privat me arsimin dhe formimin profesional me qëllim përshtatjen e arsimit dhe formimit profesional me kërkesat e tregut të punës”.
