Unaza e Madhe e Tiranës, e shumëpritur nga qytetarët, duket se shumë shpejt do të jetë gati për t’u hapur.
Ajo kalon nga rrethrrotullimi i Shqiponjës deri te rrethrrotullimi i qendrës tregtare TEG, me një gjatësi prej 16.8 km dhe një vlerë ndërtimore rreth 14.3 miliardë lekë.
Edhe pse Autoriteti Rrugor Shqiptar ka bërë me dije se inaugurimi i segmentit të ri rrugor të Unazës së Madhe ishte planifikuar të bëhej brenda qershorit, duket se kemi një shtyrje të tij, për shkak të disa punimeve të fundit.
‘‘Tirana Today’’ ju sjell pamje ekskluzive se si duket ky segment rrugor nga mbikalimi te “Qyteti i Nxënësve”, deri te “Komuna e Parisit”, i cili është mjaft i domosdoshëm për qytetarët, pasi shkurton një pjesë të madhe të rrugës, si dhe shmang trafikun e rënduar që krijohej në aksin rrugor nga rrethrrotullimi i Shqiponjës deri tek Pallati me Shigjeta.
