Një 34-vjeçare shqiptare është zhdukur së bashku me djalin e saj të mitur tre vjeçar në Gjermani. Ngjarja ka ndodhur në Meckenheim, ku dyshohet se 39-vjeçari Blerim K. mund të ketë ketë rrëmbyer ish-bashkëshorten e tij Nesibe.K dhe të birin.
Sipas dëshmitarëve të cilët ishin në vendin e ngjarjes, gruaja me djalin e saj u futën me forcë me një makinë të bardhë tip “Audi”, dhe më pas u larguan në drejtim të paditur, shkruan Bild.
Hetuesit flasin për një plan të sofistikuar rrëmbimi. ”Meqenëse burri e dinte që hetuesit shpejt do të dyshoheshin dhe do ta identifikonin atë si organizatorin e rrëmbimit, dy ndihmësit qëndruan të gatshëm si bashkëpunëtorë me Audi të bardhë për të larguar gruan dhe djalin.”, u shprehën ata.
Nëna dhe fëmija i saj ishin duke qëndruar në stacionin e autobusit përballë shtëpisë së familjes kur papritmas një Audi i bardhë ndaloi para tyre dhe dy persona i morën me dhunë. Nëna bërtiti me të madhe për ndihmë dhe pastaj Audi u largua me të dy. Pavarësisht se po vijojnë kërkimet për gjetjen e tyre, ende nuk ka asnjë gjurmë, teska mendohet se mund të jenë duke u dërguar në Shqipëri.
