Aktorja dhe moderatorja e njohur, Rudina Dembacaj, pak kohë më parë ka humbur të atin. Në sezonin e ri në “Wake Up”, mes lotësh ajo ka treguar se kjo verë ka qenë mjaft e vështirë për të, pasi humbi babain pas një sëmundje të rëndë.
“Kjo periudhë për mua ka qenë luftë shpirtërore…Unë nuk kam humbur babanë, kam humbur shokun tim më të mirë, njeriun më të rëndësishëm të jetës time.
Babai gjithmonë më thoshte ti je e fortë, je e fortë… dhe kjo më ka vënë në një përgjegjësi shumë të madhe.
Unë jam më e vogla e familjes, dhe më duhet të jem e fortë për nënën time, për motrën dhe për 5 hallat e mia dhe e kanë vuajtur shumë humbjen e vëllait të tyre.
Më ka ndihmuar shumë vëllai im, djali i xhaxhait tim Ilir Dembacaj, i cili ka qenë prezent në momentet më të vështira të jetës time. Gjendjen e komës mos e provoftë njeri në botë, është gjëja më e tmerrshme. Kisha frikë të hapja telefonin edhe kur bëhej fjalë për punë, pasi mendoja se më merrnin nga spitali”, u shpreh Rudina e përlotur.
