Kryeministri i Kosovës Avdullah Hoti, pas përfundimit të takimit të Këshillit të Sigurisë, bëri publik vendimin që sapo mori.
Hoti bën me dije se qeveria ishte mes dy skenareve:
1. Të shtohen masat.
2. Të shpallet gjendja e jashtëzakonshme.
Kryeministri deklaroi se u përzgjodh opsioni i parë, ai i shtimit të masave.
“Siç e keni parë nga shifrat, gjendja po rëndohet. Jemi në limitet e kapacitetit. Jemi duke krijuar kapacitete shtesë. Menjëherë sot do të votojmë një listë të gjatë shtesë të propozuar nga IKSHPK dhe Ministria e Shëndetësisë.
Ministria e Financave ka dhënë 9.2 milionë euro. Masat shtesë që do të propozohen sot në mbledhjen elektronike të Qeverisë do të jenë më shumë rigoroze”, u shpreh Hoti.
