Kryeministri italian, Giussepe Conte, shprehet se gjendja e jashtëzakonshme e vendosur që prej muajit mars do të vazhdojë edhe përtej 31 korrikut.
“Bazuar në situatën në vend do të ishte e arsyeshme që të vazhdohet gjendja e jashtëzakonshme, përtej datës së paraparë të skadimit. Jo gjithçka është vendosur, por me gjasë do të shkojmë në këtë drejtim”, tha ai.
Gjendja e jashtëzakonshme u jep autoriteteve rajonale kompetenca shtesë për të zbatuar procedura për kufizimin e përhapjes së virusit. Ato mund të përfshijnë kufizime në udhëtim, mbylljen e hapësirave publike dhe ndalimin e tubimeve publike.
Deri më tani Italia ka regjistruar më shumë se 242 mijë raste me koronavirus dhe rreth 35 mijë viktima.
