Një burrë është gjetur i pajetë sot në fshatin Porodinë të Korçës. Mësohet se viktima është shtetasi Hysni Myrtollari, pronar i një pularie.
Dyshimet paraprake të policisë janë se viktima mund të jetë vetëvrarë me armë zjarri.
Grupi hetimor ka nisur hetimet për zbardhjen e plotë të ngjarjes, ndërsa nuk dihen ende detaje të tjera rreth shkakut që mund ta ketë çuar Myrtollarin drejt vetëflijimit.
Njoftimi:
Më datë 02.01.2018, jemi njoftuar se në fshatin Porodinë, është gjetur i pajetë trupi i shtetasit H.M, rreth 67 vjeç. Nga të dhënat e para si dhe kqyrja e trupit të të ndjerit, nuk janë konstatuar shenja dhune. Dyshohet se ky shtetas është vetëvrarë me armë zjarri tip pistoletë, e cila u gjet në afërsi të trupit të tij. U ngrit grupi hetimor dhe po punohet për zbardhjen e rrethanave/shkaqeve të ngjarjes.
Shtetasi kishte një aktivitet privat (pulari) në këtë fshat. Trupi është gjetur në një ambjent të veçuar të kësaj pularisë (pronë e tij).
