Gjendet një trup i pajetë në qytetin bregdetar të Vlorës. Mësohet se dallgët kanë nxjerrë në breg një trup të pajetë, në Zvërnec, i cili u pikas nga disa peshkatarë. Këta të fundit kanë njoftuar menjëherë policinë, e cila ka mbërritur në vendngjarje së bashku me grupin hetimor, dhe po punon për identifikimin e viktimës dhe zbardhjen e ngjarjes.
Trupi i pajetë po transportohet drejt morgut të qytetit dhe priten detaje të reja pas ekspertizës mjeko-ligjore. Paraprakisht, dyshohet se trupi i përket një personi me probleme mendore, i cili jetonte vetëm.
Njoftimi i plotë i policisë:
Vlorë
Informacion paraprak
Rreth orës 15:20, në plazhin e Zvërnecit, është gjetur një trup i pa jetë i cili i përket shtetasit I.I., 56 vjeç.
Nga këqyrja paraprake në trupin e viktimës nuk janë konstatuar shenja dhune apo dëmtime të tjera.
Dyshohet se shtetasi I.I, kishte probleme mendore dhe ishte endacak.
Grupi hetimor po kryen veprimet për sqarimin e rrethanave të ngjarjes.
