Ditën e sotme një person është gjetur i pajetë në një kanal në rrugën e Shëngjinit.
Raportohet se trupi i viktimës është pikasur nga kalimtarë të rastësishëm të cilët kanë njoftuar policinë.
54-vjeçari me inicialet N.P, u gjet i pajetë në një kanal me ujë në aksin rrugor Lezhë-Shëngjin, tek kthesa e Fabrikës së Letrës.
Në njoftimin për mediat, policia pohoi se nga hetimet paraprake dyshohet të jetë mbytur aksidentalisht, pasi ka qenë nën efektin e pijeve alkoolike dhe nga këqyrja paraprake nuk janë evidentuar shenja të dhunës apo të ndonjë dëmtimi tjetër.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
