Një 18-vjeçare është gjetur e pajetë në një pishinë në shtëpinë e familjes së saj në Majorca, Spanjë.
Sipas mediave vendase, bëhet fjalë për Josie Clacher, vajza e multimiliarderes britanike, Rachel Clacher, e cila është dhe bashkëthemeluese e firmës telefonike me bazë në Wrexham.
Josie Clacher, ndërroi jetë mëngjesin e ditës së martë, në qytetin Alaro, të Majorcas, ku po qëndronte me miqtë dhe familjen.
“Ne të gjithë jemi jashtëzakonisht të shkatërruar nga ky lajm tragjik dhe mendimet dhe lutjet tona janë me familjen në këtë kohë tragjike”, thuhet në deklaratën e kompanisë.
Fillimisht, ishte një fqinj, ai që ngriti alarmin, pasi dëgjoi të bërtiturat. Policia dhe ambulanca u nisën për në vendngjarje dhe u përpoqën ta rikthenin në jetë, por ishte e pamundur. Nuk bëhen të ditura shkaqet e vdekjes së adoleshentes.
