Mediat e huaja bëjnë me dije se autoritetet e Iranit kanë gjetur kutitë e zeza të aeroplanit ukrainas, që u rrëzua pas ngritjes nga qyteti i Teheranit.
Në lidhje me këtë ka folur kreu i Agjencisë së Aviacionit Civil të Iranit, Ali Abedzadeh, i cili është shprehur se shkaku i rrëzimit nuk është përcaktuar ende. Ai ka deklaruar se Irani nuk do ia dorëzojë kutitë Ukrainës, por do ia japin për shqyrtim një vendi të tretë.
Aeroplani Boeing 737 që i përkiste Kompanisë Ajrore Ndërkombëtare të Ukrainës u rrëzua pranë Aeroportit Imam Khomeini të Iranit mëngjesin e sotëm.
Avioni ishte drejtuar për në kryeqytetin e Ukrainës, Kiev, ndërsa si pasojë e rrëzimit kanë humbur jetën të 167 pasagjerët dhe 9 anëtarët e ekuipazhit që ndodheshin në bord.
