Një arsenal predhash janë gjetur në fshatin Shetaj të Durrësit. Predhat u vunë re rastësisht nga punonjësi i eskavatorit, gjatë gërmimeve për hapjen e një rruge të re afër xhamisë së fshatit.
Në atë moment, punonjësi pezulloi menjëherë punën.
Forcat e policisë dhe forcat xheniere shkuan në vendngjarje dhe larguan predhat. Nga informacionet paraprake, dyshohet se predhat i përkasin Luftës së Dytë Botërore.
