Kryedemokrati Basha ia ka kthyer me të njëjtën monedhë përgjigjen Ramës, pas ironisë së tij për planin ekonomik. Kreu i PD-së thotë se gërrvërret prej palaçoje, nuk e mbulojnë dot dështimin dhe krizën ku i ka zhytur shqiptarët.
“Gërrvërret prej palaçoje nuk e mbulojnë dot dështimin tënd dhe krizën ku i ke zhytur njerëzit. Pas çdo gërrvërri ti fsheh vjedhjet e qeverisë prej miliona eurosh, si mbrëmë me inceneratorët. Para që duhet të shkojnë te shëndetësia, të papunët, pensionistët e biznesi në krizë”.
Pak më herët, Rama i është përgjigjur Bashës pas deklaratës së tij nga Durrësi, ku i bëri thirrje qeverisë për të zbatuar sa më shpejt programin me 5 pika të PD për krizën. Sipas Bashës, koha nuk pret dhe gjendja ekonomike e qytetarëve dhe bizneseve sa vjen e rëndohet.
Në një postim në Twitter, Rama shkruan se programi i Bashës është një ‘tramvaj me shalqi’.
