Kryetari i konferencës ipeshkvnore të Shqipërisë, njëkohësisht arqipeshkvi i Tiranës George Frendo nga Shkodra ka deklaruar se politika në Shqipëri duhet të mendojë më shumë për të mirën e përbashkët.
“Palët politike duhet të jenë të gatshme të dëgjojnë njëri-tjetrin dhe jo të bëjnë një dialog karikature. Vendimi për mos hapjen e negociatave nuk na ka pëlqyer as ne, por ta marrim në aspektin pozitiv dhe të na shërbejë për të bërë një Shqipëri më të drejtë. Martirët e kanë larë Shqipërinë me gjakun e tyre dhe bota ka nevojë për dëshmi të forta si ajo e Lumes Maria Tuci.
Politika në Shqipëri duhet të kërkojë falje për krimet e komunizmit si dhe krimet e komunizmit në Shqipëri duhet të dënohen me ligj sepse ishte regjimi më i egër dhe nuk ishte një regjim ateist, por antiateist, ishte kundër Zotit”, ka deklaruar ai.
Këtë deklaratë George Frendo e bëri pas shfaqjes së një drame, e cila u zhvillua në teatrin “Migjeni” për martiren Maria Tuci e vënë në skenë nga famullia e Rranxa Bushat.
