Detaje të tjera dalin në dritë lidhur me vdekjen e afro-amerikanit, George Floyd, në SHBA, në duart e policisë.
David Pinney ka deklaruar se kishte punuar me George Floyd-in dhe agjentin e policisë, Derek Chauvin në një klub nate në Minneapolis. Ai thotë se ata kanë pasur që asokohe përplasje, prandaj edhe efektivi i policisë është treguar aq agresiv me të.
Pinney ka punuar me të dy në El Nuevo Rodeo vitin e kaluar. Sipas tij, Chauvin ishte treguar shume agresiv edhe me disa drejtues të klubit, e për këtë arsye kishte fërkime me Floyd.
Edhe pronarja e këtij klubi, Maya Santamaria, e ka konfirmuar se të dy ata kishin punuar si truproja.
“Chavin kujdesej për sigurinë tonë jashtë orarit të vet zyrtar përgjatë 17 viteve që kemi qenë hapur si biznes”, tha ajo. Më tej, Santamaria u shpreh se polici “merrte zjarr” shpejt dhe kishte tendencën e ekzagjerimit në situata të caktuara.
George Floyd u përcoll ditën e djeshme në banesën e fundit. Miq e të afërm shprehën nderimet e fundit për të në një ceremoni private mortore në Houston.
