Gazetari Dritan Hila, teksa po komentonte protestën e organizuar nga opozita, tha se opozita dhe qeveria janë të dyja të lodhura.
I ftuar në studion e lajmeve në “RTV Ora”, Hila u shpreh se opozita shqiptare me daljen nga Parlamenti ka vënë në dyshime faktin nëse perëndimi do të na pranonte në gjirin e vet.
Ndër të tjera, gazetari theksoi se klasa politike shqiptare nuk vjen fare era Evropë, ndërsa shtoi se ka shumë pak mundësi që kryeministri Rama të pranojë kërkesën e opozitës për t’u dorëhequr nga posti, pasi sipas tij në Shqipëri tërheqja konsiderohet si humbje, ndaj edhe Rama nuk do të pranojë të dorëhiqet.
“Në bazë të sondazheve PD ka arritur nga minimumi i saj historik 350 mijë vota në 450 mijë vota, pra ka rikuperuar atë që humbi në zgjedhjet e 2017, si pasojë e një shkrehje që erdhi nga marrëveshja Rama-Basha. Por nuk kemi ende një rritje të atillë që e bënte të sigurtë përplasjen me PS-në dhe fitoren. Edhe sondazhi i fundit që u transpetua në RTV Ora Nëse i IPR Marketing tregoi që marzhi është shumë i vogël, është brenda marzhit të gabimi epërsia e opozitës mbi pozitën, çka mund të vërtetojë të kundërtën në kutitë e votimit. Nuk kemi ende atë lloj lodhje të qeverisë dhe shpresë që të jepë opozita. Lodhje nga qeveria kemi, por edhe opozita është fatkeqsisht po aq e lodhur”, deklaroi Hila.
