Ylli Rakipi konfirmoi zërat që qarkullonin gjatë ditëve të fundit, se emisioni i tij është mbyllur. Ai vendosi gishtin mbi Ramën, si përgjegjësin që i vuri drynin emisionit “Të Paekspozuar”.
Pas këtij qëndrimi ka ardhur edhe reagimi i gazetarit Armir Shkurti, të cilin e përzunë nga ekrani rreth pesë vite më parë. Ai kujton kohën kur Ylli Rakipi ishte drejtor i televizionit ku ai punonte, dhe i mbylli emisionin investigativ.
Teksa tregon se çfarë ka ndodhur, dhe se si u mbyll emisioni i tij në mënyrë të padrejtë, Armir Shkurti nga ana tjetër shprehet i trishtuar, për atë që e cilëson si ngushtimin e lirisë së medias.
Statusi
KËRRMA IZ BIÇ (ose ZOTI ËSHTË I MADH)!
***********
Po fiks, ditë më ditë, 5 vjet më parë ka ndodhur!
28 gusht 2014, Ylli Rakipi mua: “To mbyllet ce është ay Fiksi e ay tjatri ne Agoni, kështu që nuk ka pse të ketë kaq emisione investigative” – plot 5 vjet, ditë më ditë, para se ti mbyllin të tijin.
Mua më tha “të kam mik” dhe më kërkoi t’i sjell një platformë emisioni. Duke parë se ky muhabet qe si puna e ariut e ujkut me cigaret: pse me filtër – pse pa filtër, i çova një platformë, që do ta them në fund se ç’qe.
Shkoj në takimin me drejtorin e ri të përgjithshëm, Ylli Rakipi. Kishte edhe një sekretar.
“Shëko – tha – unë e pashë atë platformën…Nuk bën! Ta them pa ashu…nuk bën!”
– E di! – i thashë dhe ika.
*********
Në fakt, ajo që i nisa Ylli Rakipit ishte as më pak as më shumë por skaleta e spektaklit ONE MAN SHOË më të famshëm në SHBA: Tonight ëith Jay Leno!! Dhe “ay nuk bënte”!
———-
Sot edhe unë jam thellësisht i trishtuar për ngushtimin e lirisë së medias dhe i frikësuar për të ardhmen e këtij vendi. Më ther shpirti për çdo dritare që mbyllet (edhe pse jam i përjashtuar krejtësisht prej tyre) . Por nuk mund të rrija pa ndarë këtë qyfyr që e mbaj për vete, edhe prej ngazëllimi mistik të përkimit ditë më ditë me dëbimin tim nga ekrani, 5 vjet më parë, drejtpërdrejt nga Ylli Rakipi.
