Një grua nga Nevada do të përfitojë 3 milion dollarë, për shkak se kaloi 35 vite në burg, për një vrasje që ajo nuk kishte bërë.
Lajmin e ka bërë të ditur avokatja e saj, Elizabeth Wang, e cila u shpreh se kjo do jetë një zgjidhje e pjesshme e një padie federale për të drejtat civile.
Sipas avokates së saj, Cathy Woods, 68 vjeçe, do të vazhdojë të kërkojë dëmshpërblime shtesë nga qyteti i Reno dhe ish-detektivëve, që ajo i akuzon se e kanë detyruar një rrëfim të sajuar prej saj, teksa ajo ishte paciente në një spital mendor në Luiziana në 1979.
68-vjeçarja u arrestua në vitin 1976 nën akuzat për vrasjen e një studenti të kolegjit Reno. Ajo u la e lirë nga burgu në vitin 2015 pasi provat e reja tregonin se autor për vrasjen e studentit ishte Rodney Halbower, një i burgosur, i cili që nga ajo kohë është dënuar për dy vrasje në zonën e San Franciskos, që ndodhën gjatë së njëjtës periudhë.
