Pas largimit të Gennaro Gattusos, i cili sipas “Il Giornale” e kishte vendosur që pas humbjes në derbi përballë Interit, Milan ka mbetur në udhëkryq. Më i përfoluri për të marrë postin e trajnerit ishte Gasperini, por një ditë më parë ai ka rinovuar me Atalantën dhe kjo pistë është mbyllur.
Ideja e Elliott dhe Gazidis, duke parë buxhetin dhe projektin, do të jenë të kujdesshëm që të mos bëjnë kontrata të pasura, pasi një dënim nga Fair Play Financiar do ishte vetëvrasje.
Por, sa i përket trajnerit, dy emra kanë mbetur në skenë: Simone Inzaghi dhe Giampaolo. I pari ende nuk i ka dhënë përgjigje Lazios dhe nuk është takuar me Lotiton, i dyti është takuar me Ferreron por ende asnjë shtrëngim dore.
Sipas “Sportmediaset” dhe gazetarit Pellegatti (tifoz i çmendur kuqezi), Simone Inzaghi është favoriti kryesor. Bien kuotat e Di Francescos dhe De Zerbit, ndërsa Sarri është pranë Juventusit.
