Arta Marku ka shprehur interesin për kryeprokurore me mandat të plotë, pas hapjes së garës nga KLP më 19 mars.
Por, a do e mbështesë mazhorancë kandidimin e kryeprokurores së përkohshme?
Deputeti socialist Ulsi Manja ka treguar se mazhoranca është e gatshme të mbështesë Arta Markun, për pozicionin e Kryeprokurores së Përgjithshme.
I ftuar në Ora News, Manja tha se Marku është një nga prokurorët që ka mbështetur deri në fund zbatimin e Reformës në sistemin e drejtësisë:
“Pse jo, pse të mos mbështetet. Marku në atë detyrë ku është përkohësisht ka qenë një nga prokurorët e përgjithshëm që mesa mundësi dhe hapësira i ka krijuar ligji ka mbështetur deri në fund zbatimin e reformës në sistemin e drejtësisë por gara është e hapur. KLP do ti sjellë Kuvendit tre kandidatura sipas përcaktimit kushtetues dhe ligjor dhe nëse Kuvendi i Shqipërisë me 3/5 e votave i jep mbështetje njërit nga këta kandidatë le të zgjidhet më i miri”, ka thënë Ulsi Manja.
