Një 28-vjeçar shqiptar është dënuar më 23 muaj burg nga gjykata, pasi ka pranuar se ai dhe një bashkëpunëtor tjetër shqiptar janë fajtorë të një vjedhjeje të kryer në një dyqan në Amerikë.
Mediat vendase shkruajnë se Epirot Krasniqi, u vu në shënjestër të policisë vetëm në verën e vitit 2018 dhe shkak u bënë gjurmët e gishtërinjve në një palë doreza duarsh që grabitësit kishin harruar në momentin e vjedhjes.
Shqiptari Ai do ta vuajë dënimin në burgun Berks County. Sipas një marrëveshjeje të bërë për shkak se u pendua, pas dënimit shqiptari do të kalojë pesë vjet në shërbim prove.
Prokurori i çështjes së Krasniqit, tha se ai së bashku me një shqiptar tjetër morën 5.000 dollarë nga dyqani. Bashkëpunëtori i Krasniqit është Liridon Gashi, 33 vjeç.
Vjedhja u zbulua kur menaxheri hapi dyqanin rreth orës 4 të mëngjesit. Ai gjeti produkte të ndryshme të shpërndara nëpër dysheme dhe dy kasafortat poshtë banakut të hapura.
Mirëpo, 28-vjeçari dhe 33-vjeçari harruan një palë doreza dhe një levë hekuri, që dyshohet se është përdorur për të hapur dyert. Kaq mjaftoi dhe autoritetet i dërguan dorezat në një laborator. Në Janar të 2018-s autoritetet lokale morën një njoftim se gjurmët e gishtërinjve i përkisnin Krasniqit.
