Publikimi nga ana e Hagës për akuzat e ngritura ndaj presidentit Hashim Thaçi, kreut të PDK, Kadri Veseli dhe disa zyrtarëve të tjerë, ka ngjallur shumë dyshime. Sinjalet e forta janë se e gjitha kjo ka ta bëjë me tryezën e bisedimeve mes Kosovës dhe Serbisë. Kjo pasi më herët ishte caktuar data 27 qershor, ku Thaçi e Vuçiç do uleshin bashkë.
Krerët e Brukselit u alarmuan nga futja në lojë e amerikanëve, dhe si duket futën në lojë Gjykatën e Hagës. Ajo që e vërteton këtë është se dosja ishte mbyllur që në 24 prill, dhe u publikua dje, pikërisht sapo Thaçi mori avionin për në Washington.
I dërguari i posaçëm i SHBA-së, Richard Grenell, ka bërë të ditur se presidenti i Kosovës ka anuluar pjesëmarrjen e tij në Washington në takimin me Serbinë, të planifikuar më 27 qershor, pas ngritjes së akuzës nga Specialja.
Lajmi erdhi gjithashtu në vijim të përpjekjeve rivale të BE, për të rifilluar bisedimet e paqes Kosovë-Serbi, të cilat kishin ngecur në vitin 2018, që përfshinin Vuçiçin dhe Thaçin ose kryeministrin e Kosovës, Avdullah Hoti.
Thaçi dhe të tjerët ishin “penalisht përgjegjës për afro 100 vrasje” të “viktimave shqiptare, serbe, rome dhe etnive të tjera dhe… kundërshtarëve politikë”, thuhej në një deklaratë të Dhomave të Specializuara të Kosovës (KSC) në Hagë. Krimet e tyre, kundër “qindra” viktimave të tjera, gjithashtu përfshinin “zhdukje me forcë të personave, përndjekje dhe tortura”.
Në deklaratë thuhet se akuza ishte “rezultat i një hetimi të gjatë dhe që pasqyron vendosmërinë e Prokurorit Special që mund të provojë të gjitha akuzat përtej një dyshimi të arsyeshëm”.
Gjykata e financuar nga BE dhe SHBA u krijua në vitin 2016, për të parë krimet e pretenduara nga guerilët shqiptarë në luftën e viteve 1991-1999, në të cilën Kosova u shkëput nga Serbia. Ajo u vendos në Hagë për shkak të shmangies së frikësimit të dëshmitarëve në Kosovë.
Duke ndërmarrë këto veprime, Thaçi vendosi “interesat e tij personale përpara viktimave të krimeve të tyre, sundimit të ligjit dhe të gjithë njerëzve të Kosovës”, thuhet në deklaratë. KSC paditi gjithashtu edhe Kadri Veselin, ish-kryetarin e parlamentit të Kosovës, por nuk i përmendi të dyshuarit e tjerë.
Gjykata Speciale dhe Prokurori Special duhet të lihen vetëm për “të bërë punën e tyre… pa ndërhyrje nga jashtë”, tha shërbimi i jashtëm i BE.