Ambasada Holandeze, përmes një video-je të publikuar i bën thirrje shqiptarëve që mos të udhëtojnë ilegalisht.
Mark Harbers, ministri i Shtetit për Drejtësinë dhe Sigurinë ka zbritur në terren dhe ka shkuar në një nga pikat ku shqiptarët futen nëpër kamionë, për të kaluar më pas ilegalisht në Angli.
“Janë njerëz të cilët kërkojnë një jetë më të mirë dhe që përpiqen të futen në ndonjë kamion që hypën në traget, me shpresën se do të përfundojnë në Angli. Por kjo sigurisht që nuk është diçka e dëshirueshme”, shprehet Harbers.
Ministri apelon që askush të mos niset më ilegalisht, sepse do të hipet në avionin e parë për tu kthyer mbrapsht në atdhe, ndërkohë që thekson se vazhdojnë ende të përcillet mesazhi:
“Shansi që ju të mbërrini në Angli po zvogëlohet çdo ditë dhe më shumë. Prandaj mos investoni në gjithë paratë tuajë në trafikantët e qenieve njerëzorë sepse nuk ka kuptim, është më mirë të qëndroni aty ku jeni. Këtu do t’ju kapin, dhe ne do t’ju përcjellim mbrapsht me avionin e radhës sa hap e mbyll sytë.”
https://www.facebook.com/DutchEmbassyAlbania/videos/1970913366351117/?t=2
