Ish-futbollisti i Fiorentinës, Abdou Diakhate, është në telashe me policinë pasi ka ushtruar dhunë fizike ndaj të dashurës së tij.
Vajza denoncoi rastin në fjalë përmes një videoje në Facebook. Në video ajo thotë se u sulmua në një klub nate në Firence nga 21-vjeçari. Ky i fundit dyshohet se e ka goditur të renë me grusht dhe i ka thyer nofullën.
Avokati i 20-vjeçares, Francesco di Luciano, bën me dije se është ngritur një ankesë në Prokurori dhe hetimet po zhvillohen nga hetuesit e Firences. Ngjarja në fjalë ka ndodhur në natën midis 23 dhe 24 korrikut.
Për frakturën e nofullës, e reja u operua por do të duhet t’i nënshtrohet sërish një operacioni tjetër.
