Futbollisti Keith Owen Groeneveld është ndarë nga aktorja e njëkohësisht deputetja Adriana Matoshi. Ka qenë Keith ai që ka folur për herë të parë për ndarjen, në një deklaratë për “Prive”.
Lidhur me arsyet e ndarjes, ai ka thënë se kanë arsyet e tyre për të ndërmarrë këtë vendim. Futbollisti ka preferuar që të mos tregojë arsyen e ndarjes, por ka theksuar se kjo ishte gjëja e mirë që kanë bërë.
Ai është shprehur se aktorja kosovare do të vazhdojë të zërë një vend të rëndësishëm te ai, pavarësisht gjithçkaje. Adriana Matoshi ka qenë mjaft e përfolur në media për jetën private. Aktorja dhe deputetja prej disa kohësh ishte në një romancë me futbollistin më të ri në moshë.
“Është e vërtetë. Nuk i kam lexuar të gjitha raportimet apo artikujt për ndarjen, sepse shumica prej tyre duan vetëm sensacionin. Çfarë mund të them unë për ndarjen? Kemi arsyet tona që na dërguan në vendimin që ndarja ishte gjëja më e duhur për ta bërë.
Edhe pse nuk jemi bashkë, ne çdo herë do ta kemi njëri-tjetrin në zemrat tona, deri në ditën e fundit. Në këtë moment, lutem për të sepse e di që po kalon kohë të vështira nga ndarja, ashtu sikurse edhe nga komentet e pamatura. Ndaluni!
Edukoni veten dhe fëmijët tuaj. A doni që të ketë tumor prapë? Dhe krejt papritur, të gjithë ta përkrahin atë sërish. Hipokrizi. Filloni nga njeriu në pasqyrë para se të hapni gojën. Ajo është mrekullueshme dhe të gjithë ju duhet të jeni krenar që një grua e tillë përfaqëson shtetin tuaj.
Do doja të shprehë dashurinë time për të gjithë njerëzit që na kanë respektuar dhe dashur, sepse edhe ne ju duam juve. Zoti ju bekoftë”, është shprehur ai.
