Pesë inspektorë në Sarandë janë shkarkuar, pasi nuk kanë ndaluar ndërtimet pa leje. Inspektorët e Mbrojtjes së Territorit në Sarandë lejonin ndërtimet pa leje e pa kriter. Vendimi ndaj tyre është marrë, pasi janë kapur në shkelje në mënyrë të përsëritur.
Ata lejonin ndërtime pa leje në Ksamil, dhe në këmbim merrnin shpërblime nga biznesmenët. Ky është aksioni i dytë që bëhet për arrestimet e inspektorëve që lejojnë ndërtime në zonat e bregdetit, pas apelit së fortë të kryeministrit Rama.
Dy ditë më parë u vunë në pranga dy inspektorë të IKMT në Himarë, dhe dy të tjerë u shpallën në kërkim, pasi akuzohen se kanë ‘shpërdoruar detyrën’, duke dhënë leje për ndërtime.
