Qendra e Solidaritetit “Fundjavë Ndryshe” nuk ndalet me misionin fisnik, për ti qëndruar pranë familjeve në nevojë. Prej disa ditësh, ambientet e Qendrës së Solidaritetit “Fundjavë Ndryshe” i kanë vizituar të rinj e të reja, pjesë e organizatës Mara, të cilët së bashku me stafin e “Fundjavë Ndryshe”, kanë trokitur në dhjetra familje në nevojë.
Drejtori ekzekutiv i Fondacionit “Fundjavë Ndryshe”, ka shkëputur një moment nga rutina e përditshme, e ndërsa ka shprehur falenderimet në emër të “Fundjavës” për kontributin që po japin 40 studentët nga Hollanda.
“Ju përshëndesim nga qëndra e Solidaritetit. Këtu jemi me 40 të rinj, 40 studentë që kanë ardhur nga Hollanda, pjesë e organizatës Mara, prej disa ditësh dhe janë duke bërë punë vullnetare për të realizuar disa projekte të ndryshme sociale.
Gjithashtu sa kemi përuruar inagurimin e një godine të re, e cila do të jetë multifunksionale, për ti ardhur në ndihmë disa shtresave në nevojë.
Për disa ditë me radhë kanë realizuar projekte të ndryshme, duke shpërndarë dhjetra pako ushqimore, soba druri, ilaçe anembanë Shqipërisë”, u shpreh themeluesi i “Fundjavë Ndryshe”, Arbër Hajdari.
