Ish-presidenti Bujar Nishani, ka shpërthyer me anë të një komenti, duke marrë shkas nga fjala e Ramës që dha lajmin e mirë të bërjes realitet të rrjetit energjetik Kosovë-Shqipëri.
Nishani ua bën të qartë qytetarëve se ky projekt u ideua dhe financua nga qeverisja e kaluar, ndërsa Rama sipas tij, e mohoi dhe madje refuzon të falenderojë kancelaren Merkel, e cila qëndron pas këtij projekti.
Tregu i përbashkët elektro-energjitik, Shqipëri-Kosovë ka marrë jetë sot, ndërsa ka nisur transmetimin linja 400 kv mes dy vendeve. Kreu i qeverisë, Edi Rama, tha se projekti u nis 10 vite më parë, por shtoi se mbeti peng i një formaliteti, për shkak të vetos së Serbisë.
Statusi
Honxhobonxho i Tiranës, çirak dhe peng i albanofobëve nuk i ndal sulmet ndaj shqiptarëve qëndrestarë dhe patriotë këtej dhe andej kufirit.
Rrjeti energjitik Shqipëri-Kosovë u ideua, projektua dhe financua gjatë qeverisjes së kaluar.
Serbofili i Tiranës injoron përpjekjet e Gjermanisë dhe fsheh albanofobinë e Serbisë!
Tregtari i trojeve kombëtare të veriut të Kosovës, refuzon të falenderojë Kancelaren Merkel dhe lajkaton “bosin” Vuçic !
Paditësi i turpshëm i Kryeministrit të Kosovës mohon Evropën për të rilindur “Jugosllavinë e Re” !
Fundi tradhtarëve dihet, ata nuk fshihen kurrë nga kujtesa!
