E enjte, 21 Tetor, 2021
8.5 C
Tirana

‘Fundi’ i Adriatik Llallës, nga kryeprokuror në ‘listën e zezë’

Adriatik Llalla është ‘peshku’ i parë i madh, që dënohet me vendim të formës së prerë nga drejtësia e re. Kryeministri Edi Rama ka reaguar për herë të parë në lidhje me dënimin me burg të ish-kryeprokurorit Adriatik Llalla.

Gjatë një interviste nga Nju Jorku për televizionin francez “TV5MONDE”, kreu i qeverisë tha se ky dënim flet vetë, që në Shqipëri pandëshkueshmëria nuk është më një normë. Kryeministri nënvizoi se Shqipëria është në një luftë të hapur kundër korrupsionit dhe krimit. Komenti i tij vjen pas dënimit të ish-prokurorit të Përgjithshëm, Adriatik Llalla me 2 vite burg nga apeli i GJKKO.

“Fakti që pandëshkueshmëria në Shqipëri nuk është më një normë, dhe fakti që ka njerëz nga pushtete të forta që kanë dalë para gjykatave dhe janë dënuar, flet vetë!”, u shpreh Rama.

Dënimi i Llallës risolli elementin e kthimit të besimit tek drejtësia e re, dhe se askush nuk është aq i fuqishëm sa të shuajë akuzat për veprat penale. Këtë e theksoi dhe ambasadorja amerikane Yuri Kim, teksa përshëndeti vendimin e gjykatës për dënimin me 2 vite burg të Llallës, ku nënvizoi se tashmë paprekshmëria e njerëzve të fuqishëm ka marrë fund.

Ish-kryeprokurori Adriatik Llalla është shpallur në kërkim kombëtar. Ai është larguar nga Shqipëria më 9 shtator me destinacion Italinë, por mbetet e paqartë se ku ndodhet aktualisht.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...